Октябрҙә Мулдаҡай урта мәктәбендә башҡорт теле һәм әҙәбиәте айлығы үтте. Айлыҡ “Мостай Кәримдең тормош юлы һәм ижады”, “ Республикабыҙҙың 100 йыллығы” темаларына арналды. Уҡыусылар үҙҙәрен башҡорт теле буйынса олимпиадала һынаны, яттан шиғырҙар һөйләне, әҫәрҙәрҙән өҙөктәр сәхнәләштерҙе, һүрәттәр төшөрҙө.

  Айлыҡ ваҡытында, уҡыусы кейеменә башҡорт кейеменең үҙенсәлеген өҫтәргә, тигән тәҡдимгә уҡыусылар һәм уҡытыусылар ихлас ҡушылды. Был конкурста 3-сө һәм 5-се кластар иң әүҙеме булдылар. Малайҙар түбәтәйҙә йөрөһә,ҡыҙҙар баштарына таҡыя кейҙе, сәстәрен сәсбауҙар менән үрҙе. Уҡытыусылар түшелдерек тағып йөрөнө.

   Йомғаҡлау кисәһендә иң әүҙем  уҡыусылар грамоталар менән бүләкләнде.

                                                                                             Автор; Рамазанова Резеда Марат ҡыҙы